FJERNHJELP

Trenger du hjelp
på maskina?

Last ned, pakk ut og dobbeltklikk. Så ser eg skjermen din og kan hjelpe deg direkte – berre så lenge du sjølv vil.

Du treng ikkje installere noko – programmet køyrer direkte
Start fjernhjelp (Windows) Mac / Linux

Windows-pakken er ferdig innstilt – berre last ned og opne.

Slik gjer du det

Fire enkle steg

Heile prosessen tek vanlegvis under eit minutt.

1
Last ned fjernhjelp
Klikk "Start fjernhjelp (Windows)" og dobbeltklikk på fila du får. Server og innstillingar er allereie lagt inn – ingenting å setje opp.
Om Windows åtvarar: klikk "Meir info" og vel "Kjør likevel"
2
Opne programmet
Programmet startar direkte – ingenting vert installert på maskina di. Du ser eit enkelt vindauge med ein stor ID-kode.
3
Send meg ID og passord
Når programmet er oppe ser du ein ID (9 tal) og eit passord. Send desse til meg på SMS, e-post eller Messenger – så kobler eg meg på.
4
Godkjenn tilkoblinga
Du får opp ein dialog – trykk Godkjenn. Du kan avslutte tilgangen når som helst ved å lukke programmet.
Trygt og under din kontroll

Du bestemmer

Fjernhjelp skal vere noko du opnar for – ikkje noko som skjer i bakgrunnen.

Du må sjølv gi meg lov
Eg kan ikkje koble meg til utan at du sender ID og passord, og godkjenner tilkoblinga.
Kryptert tilkobling
All trafikk går kryptert via min eigen server – ikkje via tredjepartstenester.
Avslutt når du vil
Lukk programmet, så er forbindelsen borte. Passordet er eingongsbruk og endrar seg kvar gong.
Spørsmål og svar

Vanlege spørsmål

Viss du er usikker – dette er det folk oftast lurar på.

Må eg installere noko?
Nei. Programmet køyrer direkte når du dobbeltklikkar. Ingenting vert installert varig på maskina di.
Windows seier at fila er farleg – kva gjer eg?
Windows åtvarar av og til mot program som ikkje er signert. Klikk "Meir info" og vel "Kjør likevel" – programmet er trygt.
Er dette trygt?
Ja. Eg kan ikkje sjå eller styre maskina di utan at du aktivt godkjenner det. All trafikk er kryptert og går via min eigen server – ikkje ein kommersiell teneste.
Fungerer det på Mac og Linux?
Ja. Klikk "Mac / Linux"-knappen og last ned derifrå. Same prosess – opne programmet og send meg ID og passord. På Mac må du kanskje gå til Systeminnstillingar → Personvern for å tillate skjermdeling.
Linux: musa fungerer ikkje riktig?
Dette skjer vanlegvis på Wayland. Logg ut og logg inn att med Xorg som skjermserver (val på innloggingsskjermen). Då fungerer det som normalt.
Kva om det ikkje verkar?
Ring eller send ein melding – så finn vi ut av det saman. Dei vanlegaste problema er brannmur eller gjestenett som sperrar utgåande trafikk. Det er som oftast løyst på nokre minutt.
Kan du koble deg til utan at eg veit det?
Nei. Programmet lagar eit nytt passord kvar gong det vert starta, og viser det berre på din skjerm. Utan at du deler det – ingen tilgang.
Kontakt

Klar til å koble til?

Last ned, opne programmet og send meg ID-en din.

Send ID og passord på e-post:

henning@uredata.no